Trump yasubijeho umusoro ku bikoresho bya aluminium bituruka muri Canada

Yanditswe na Bukuru JC
Kuya 7 Kanama 2020 saa 09:29
Yasuwe :
0 0

Perezida Donald Trump kuri uyu wa Kane yatangaje ko yasubijeho umusoro wa 10% ku bicuruzwa bimwe bikozwe muri aluminium byo muri Canada, ashinja iki gihugu kwigarurira isoko ryo muri Amerika.

Trump yavuze ko yasinye itangazo rigamije kurengera inganda z’abanyamerika, aho yasubijeho imisoro ku bikoresho bya aluminium byo muri Canada. Yavuze ko ari ukurinda ko inganda zabangamirwa n’ibitumizwa muri Canada.

Mu 2018 nibwo Trump yashyizeho imisoro ku bikoresho bya aluminium bitumizwa mu mahanga. Yaje kubikuraho umwaka ushize nyuma y’amasezerano hagati ya Amerika, Mexique na Canada.

Ishami rishinzwe ubucuruzi muri Amerika ryanenze icyemezo cya Trump rivuga ko ari intambwe igana mu cyerekezo kibi kuko bizatuma inganda zo muri Amerika zikenera aluminium zihendwa, bigire kandi ingaruka ku byo iki gihugu cyohereza mu mahanga.

Minisitiri w’Intebe wungirije wa Canada, Chrystia Freeland, yavuze ko imisoro yashyizweho na Trump izateza ikibazo ku bakozi no ku bukungu bw’akarere butorohewe na Coronavirus.

Yakomeje avuga ko Canada nayo igomba guhita ishyiraho imisoro ku bicuruzwa bya Amerika mu kuyihimuraho.

Trump yasubijeho umusoro ku bikoresho bya aluminium bituruka muri Canada

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .