Ni umushinga wari ushamikiye ku kigo cya Leta Zunze Ubumwe za Amerika gishinzwe iterambere mpuzamahanga USAID giherutse guhagarikwa na Leta ya Amerika, gishinjwa gukoresha nabi umutungo, ubu kikaba kiri gusuzumwa.

Umuvugizi muri Minisiteri y’Ububanyi n’Amahanga yavuze ko porogaramu zose zigize uyu mushinga ziri gusuzumwa harebwa uburyo zavugururwa zigakorwa mu buryo butuma zitanga umusaruro ku nyungu za Leta zunze Ubumwe za Amerika.

Yagize Ati “Porogaramu zose zikora mu nyungu z’igihugu cyacu zizakomeza gukora, ariko na none izikorwa mu buryo igihugu kitabonamo inyungu ntabwo zizakomeza gukora.”

Intego y’uyu mushinga yari ukongera gigawatt 30 z’amashanyarazi muri Afurika, aho abarenga miliyoni 600 mu bageze kuri miliyari 1.3 batuye uyu Mugabane, badafite amashanyarazi.

Amerika yakuyeho gahunda yari igamije kongera amashanyarazi muri Afurika