00:00:00 IGIHE NETWORK KN KINYARWANDA EN ENGLISH FR FRANCAIS

Trump n’abamwuganira bahanishijwe ihazabu ya miliyoni 1$

Yanditswe na Ntabareshya Jean de Dieu
Kuya 21 Mutarama 2023 saa 03:15
Yasuwe :

Umucamanza yahanishije uwahoze ari Perezida wa Leta zunze ubumwe za Amerika, Donald Trump n’abanyamategeko be ihazabu ya miliyoni imwe y’amadolari kubera imyitwarire itari myiza mu rubanza yarezemo Hillary Clinton yigeze guhigika mu matora y’Umukuru w’Igihugu.

Uyu mucamanza Middlebrooks John yavuze ko Donald Trump ushaka kugaruka mu muri White House mu 2024, akomeje gushaka gukoresha inkiko mu nzira mbi agerageza gutanga ibirego mu gutesha ikuzo abanyapolitiki.

Trump yareze Hillary Clinton bari bahanganiye umwanya wa Perezida wa Repubulika muri 2016 avuga ko we n’abandi ba-democrates bagaragaje ko yakoze amanyanga mu matora abifashijwemo n’u Burusiya bigatuma uyu mugore atsindwa.

Mu kirego cye Donald Trump yasabaga ko yahabwa miliyoni 70 $ ni ukuvuga miliyari 70 Frw y’indishyi z’akababaro ngo kubera hari byinshi imvugo za Hillary Clinton n’abamushyigikiye zangije.

Middlebrooks yagaragaje ko iki kirego kitakabaye cyarajyanywe mu nkiko kubera ko nta mpamvu ifatika yagatumye umunyamategeko ategura iyi dosiye kuko yakozwe mu buryo bwa politiki bwateguwe na Trump.

Ibi byatumye Trump n’umwunganizi we, Alina Habba bagomba gutanga ihazabu.

Nyuma yo kugaragaza ko Trump akomeje gushaka gukoresha inkiko mu nyungu ze bwite no kwihorera mu byo yise inyungu za politiki, Middlebrooks yavuze ko akwiye kwishyura ihazabu ingana na 937,989 $ ni ukuvuga hafi miliyari 1 Frw.

Ati “Ni umucurabwenge w’ibirego bigamije gusebanya mu nkiko, kandi ntabwo akwiye kubonwa nk’uwahawe inama za gihumyi n’abanyamategeko be. Azi neza ingaruka ibi bikorwa bye bifite.”

Donald Trump ari mu ba perezida bayoboye Leta zunze Ubumwe za Amerika manda imwe gusa kuko yongeye kwiyamamaza mu 2020 ariko agatsindwa na Joe Biden ari naho yatangiriye urwitwazo rwa hato na hato rushingiye ku kutemera ko yatsinzwe.

Kugeza ubu yamaze gutangaza ko yifuza kongera kwiyamamaza mu matora ya Perezida wa Repubulika ateganyijwe muri 2024.

Trump yategetswe kwishyura ihazabu ya miliyoni imwe y'amadolari

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .