00:00:00 IGIHE NETWORK KN KINYARWANDA EN ENGLISH FR FRANCAIS

Trump Media yahombye arenga miliyoni 400$ mu 2024

Yanditswe na Ayera Belyne
Kuya 16 February 2025 saa 04:39
Yasuwe :

Sosiyete ya Trump Media & Technology Group, ari na yo igenzura urubuga nkoranyambaga ’Truth Social’ rwa Perezida wa Leta Zunze Ubumwe za Amerika, Donald Trump, yatangaje ko yahombye miliyoni 400,9 z’Amadorali ya Amerika mu mwaka wa 2024, naho inyungu yabonye igabanyukaho 12%, igera kuri miliyoni 3,6 z’Amadorali ya Amerika muri uwo mwaka.

Iyi sosiyete yatangaje ko iki gihombo cyatewe ahanini n’amasezerano yo gusangira inyungu yagiye igirana n’ikigo cyamamazaga ku rubuga rwayo itashatse gutangaza amazina.

Muri Werurwe 2024, Trump Media ni bwo yageze ku isoko ry’imari n’imigabane, bivuze ko byashoboka kugura no kugurisha imigabane yayo.

Ibi byashobotse nyuma y’uko iyi sosiyete yihuje n’ikigo cyitwa Digital World Acquisition gifasha ibindi bigo kwinjira vuba ku isoko ry’imari n’imigabane no gutangira kugurisha imigabane yabyo.

Trump yashinze urubuga rwa Truth Social mu 2021 nyuma yo guhagarikwa kuri Twitter ubu yabaye X no kuri Facebook, kubera imvururu abari bamushyigikiye bateje ku Ngoro y’Inteko Ishinga Amategeko ya Amerika ku wa 6 Mutarama 2021.

Kuri ubu ntabwo sosiyete ya Trump Media and Technology Group yahuye n’igihombo ikiri mu maboko ya Donald Trump kuko nyuma yo gutorerwa kuba Perezida wa Leta Zunze Ubumwe za Amerika mu Ugushyingo 2024, yahise aha umuhungu we w’imfura Donald Trump Jr, imigabane ye yose muri iyi sosiyete ibarirwa agaciro ka miliyari 4 z’Amadorali ya Amerika.

Trump media yahimbye arenga miliyoni 400$ mu mwaka umwe

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .