Uyu muhango witabiriwe n’abanyacyubahiro batandukanye, bashimira inzobere mu bwubatsi zari zimaze imyaka itanu zisana iyi nyubako y’amateka yafashwe n’inkongi y’umuriro mu 2019.

Mu bandi bitabiriye uyu muhango barimo igikomangoma cy’u Bwongereza, William, Jill Biden, umugore wa Perezida wa Leta Zunze Ubumwe za Amerika Joe Biden n’abandi.

Macron yavuze imbwirwaruhame muri uwo muhango, bwa mbere inzogera z’iyo Cathédrale zongera kuvuzwa nyuma y’imyaka itanu zitavuzwa.

Macron, Trump na Zelensky bahuriye mu ngoro ya Perezida w’u Bufaransa nyuma y’uwo muhango, baraganira.

Nirwo ruzinduko rwa mbere Trump agiriye hanze y’igihugu nyuma yo gutsinda amatora ya Perezida yabaye mu Ugushyingo uyu mwaka.

Uru ruzinduko kandi ruje mu gihe abayobozi batandukanye b’i Burayi bakomeje kwibaza ku mibanire yabo na Trump ubwo azaba agiye ku butegetsi muri Mutarama 2025, dore ko yakunze kugaragaza kenshi ko atarajwe ishinga no kwita ku bihugu by’abandi aho kureba Amerika n’Abanyamerika.

Trump yagaragaye muri Cathédrale Notre-Dame de Paris aganira na Jill Biden

Macron na Trump ubwo umuhango wo gufungura Cathédrale Notre-Dame de Paris wari urangiye

Aha Perezida Trump yasuhuzaga igikomangoma William cy'u Bwongereza

Trump, Macron na Zelensky baganiriye nyuma y'umuhango

Umwe mu bihayimana afungura ku mugaragaro Cathédrale Notre-Dame de Paris

Ubwo Perezida Zelensky yakirwaga na Macron kuri Cathédrale Notre-Dame de Paris

Abanyacyubahiro batandukanye bitabiriye umuhango wo gufungura Cathédrale Notre-Dame de Paris

Abihayimana bakoze umutambagiro mu muhango wo gufungura iyi Cathédrale

Perezida Macron n'umugore we Brigitte Macron bahagaze imbere ya Cathédrale Notre-Dame de Paris mbere y'uko ifungurwa

Cathédrale Notre-Dame de Paris yaravuguruwe, isubizwa uko yahoze imeze mbere yo gufatwa n'inkongi

Cathédrale Notre-Dame de Paris yari imaze imyaka itanu yubakwa