The Guardian ifite abantu barenga miliyoni 10,7 bayikurikira kuri X, ni cyo kinyamakuru cya mbere mu Bwongereza gihagaritse gukoresha uru rubuga nkoranyambaga kuva rwagurwa na Elon Musk mu 2022.

Abanenga uru rubuga bavuga ko kuva Musk yarugura, yatumye amakuru abiba urwango arukwiraho.

The Guardian mu nyandiko igenewe abasomyi yavuze ko “inyungu zo kuba kuri X zirutwa n’ingaruka mbi zo kuyibaho”, ndetse ko imbaraga zakoreshwaga mu gukoresha uru rubuga byaba byiza zikoreshejwe mu guteza imbere “itangazamakuru ryacu ahandi”.

Ikomeza ivuga ko uyu ari umwanzuro umaze igihe wigwaho.

Elon Musk yanditse kuri X ko the Guardian nta gaciro ifite.

The Guardian yahagaritse gushyira inkuru zayo kuri X