Singapore igiye kuba igihugu cya mbere ku Isi gihagaritse kwamamaza ibinyobwa birimo isukari nyinshi

Yanditswe na IGIHE
Kuya 11 Ukwakira 2019 saa 03:41
Yasuwe :
0 0

Guverinoma ya Singapore igiye guhagarika ibikorwa byose byamamaza ibinyobwa birimo isukari nyinshi, nk’intambwe ikomeye igiye guterwa mu rugamba rwo kurwanya indwara zishamikiye ku isukari nyinshi mu mubiri, zirimo diabète.

Ni intambwe yisumbuye ziheruka guterwa n’ibihugu birimo Mexique, u Bwongereza na Canada, byagennye amasaha yihariye amatangazo y’ibinyobwa birimo isukari nyinshi atagomba kunyuzwa mu itangazamakuru.

Inganda zikora ibinyobwa birimo isukari nyinshi nk’imitobe, zizategekwa ko ku bipfunyika byabyo handikwaho ko atari byiza ku mubiri, bikazagendana n’izindi ngamba zizashyirwa mu bikorwa mu myaka itanu iri imbere.

Nk’uko ibinyamakuru bitandukanye byabitangaje, Minisitiri w’Ubuzima wa Singapore, Edwin Tong, yavuze ko inganda zikora ibinyobwa bidafite icyo bitwaye na zo zishishikarizwa kujya zibyandika ku bipfunyika, kugira ngo byorohereze abaguzi guhitamo.

Ati “Mu mabwiriza mashya, ibinyobwa bidateje ikibazo ku buzima bizaba bifite ikirango cyihariye cy’ubuziranenge, ubwo ahasigaye ni ah’inganda niba zishaka cyangwa zidakeneye icyo kirango.”

Iryo kumirwa rizaba rireba ibinyamakuru byose byaba televiziyo, ibinyamakuru byandika ku mpapuro, kuri murandasi n’imbuga nkoranyambaga.

Singapore ni kimwe mu bihugu bifite abarwayi benshi ba diabète ku Isi, ahanini bitewe no kuba ifite abantu benshi bageze mu zabukuru no kuba abaturage bayo bamaze kugira umuco wo gufata ibinyobwa bibamo isukari nyinshi.

Ibinyobwa birimo isukari nyinshi biza imbere mu gutera indwara zirimo diabète

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza