00:00:00 IGIHE NETWORK KN KINYARWANDA EN ENGLISH FR FRANCAIS

Silvio Berlusconi yateye utwatsi ibyo guhatanira kuyobora u Butaliyani

Yanditswe na Muyisenge Jean Felix
Kuya 23 January 2022 saa 11:31
Yasuwe :

Uwahoze ari Minisitiri w’Intebe w’u Butaliyani, Silvio Berlusconi yatangaje ko atazigera yiyamamariza kuyobora u Butaliyani mu matora ateganyijwe kuri uyu wa Mbere.

Amakuru yavugaga ko Berlusconi w’imyaka 85 yari amaze iminsi yiyamamariza gusimbura Perezida ucyuye igihe, Sergio Mattarella mu ibanga, ndetse n’abasesenguzi batandukanye bemezaga ko ashyigikiwe bihagije ku buryo yatsinda aya matora.

Amakuru dukesha France24 avuga ko mu nama yahuje bagenzi be bahuje ishyaka, Berlusconi yashimangiye ko afite amajwi ahagije ariko “ku bw’inyungu z’igihugu “ yari yasabye abari bashyize izina rye mu bakandida, ko baba barivanyemo.

Berlusconi wamenyekanye wanabaye Perezida wa AC Millan, yatangaje kandi ko “uyu munsi icyo u Butaliyani bukeneye ari ubumwe” ndetse yemeza ko “azakomeza gukorera igihugu cye binyuze mu zindi nzira.”

Mario Draghi wigeze no kuyobora Banki y’u Burayi ni we ukomeje guhabwa amahirwe yo kuyobora u Butaliyani, nyuma y’umwaka yari amaze ari Minisitiri w’Intebe.

Amatora ya Perezida mu Butaliyani ateganyijwe ku wa Mbere tariki 24 Mutarama 2022, aho Abadepite 1000, Abasenateri n’abahagariye uturere bazaterana bagatangira gutora Perezida.

Amatora aba agizwe n’ibyiciro bine, buri cyiciro kikaba gitwara umunsi umwe. Umukandida aba asabwa byibuze kubona 2/3 by’amajwi kugira ngo akomeze mu cyiciro gikurikiyeyo.

Mu cyiciro cya kane, umukandida aba asabwa kugira amajwi menshi kurusha bagenzi be, kugira ngo atorerwe kuyobora igihugu.

Silvio Berlusconi yateye utwatsi ibyo guhatanira kuyobora u Butaliyani

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .