Nyamu Karen si mushya ku mbuga nkoranyambaga kuko mu bihe bitandukanye akunze kugarukwaho cyane bitewe n’imyitwarire ye .

Nyamu Karen Njeri ni umusenateri w’Ishyaka UDA rya Perezida William Ruto, ukunze kurangwa n’imyitwarire benshi bita ko ari iy’urubyiruko cyangwa inkundarubyino idakwiriye kuranga umuntu nk’uwo.

Mu bihe bitandukanye benshi bakunze kunenga imyambarire ye ku mbuga nkoranyambaga bashimangira ko bidakwiye ku muntu w’umuyobozi.

Nko muri Gashyantare 2023 Senateri Karen Nyamu yasohowe mu Nteko Ishinga Amategeko muri Kenya kubera kwambara umwenda wo hejuru uciye amaboko, ibifatwa nk’imyambarire idakwiye ku bayobozi bo kuri uru rwego muri iki gihugu.

Ibitekerezo atanga nabyo hari ubwo byibazwaho n’abatari bake kuko nko mu 2023, yatangaje ko yiteguye kuyobora imyigaragambyo y’abagore bo muri Nairobi, bagaharanira uburenganzira bwabo n’imibereho ikomeje kuba mibi ku batuye uwo mujyi, by’umwihariko ababa mu duce tw’utujagari.
Nyamu yavuze ko hakenewe ubufasha bwisumbuye ku bwo abatuye mu duce tw’utujagari bahabwa, byaba na ngombwa bagakora imyigaragambyo bambaye ubusa.

Ati “Abagore bo muri Nairobi, tuzajya mu mujyi twambaye ubusa niba ari cyo gisabwa ngo ijwi ryacu ryumvikane, abafata ibyemezo batwumve. Nairobi si akarere gakize nubwo ariho hari icyicaro cya Guverinoma n’inzu zihenze, ntabwo bivuze ko dukize.”

Muri uyu mwaka ubwo mu Nteko Ishinga Amategeko hari hari kwigwa ku kweguza uwari Visi Perezida, Rigathi Gachagua, Nyamu yongeye gutanga igitekerezo gisekeje ashaka kugaragaza ko uwo muyobozi atari akwiye kweguzwa.

Ati “Ntabwo mu by’ukuri tubyishimiye. Njyewe ubwanjye twahuye inshuro nyinshi ndetse munarebye kuri internet mwabona amafoto yanjye tubyinana na Visi Perezida.”

Muri Nyakanga 2024, Perezida wa Kenya, William Ruto, ubwo yasubizaga uwari umubajije impamvu Nyamu akiri muri Sena ya Kenya n’imyitwarire ye idakunze kuvugwaho rumwe, yatangaje ko bicaranye akamusaba guhindura imyitwarire.

Yagize ati “Nyamu nagize amahirwe yo kwicarana na we mubwira ko agomba guhindura ibyo ari gukora.”

Nyamu Karen yari umunyamategeko mbere y’uko aba umusenateri, akaba afitanye abana babiri n’umuhanzi Samidoh, baje gutandukana.

Mu 2017 yashatse kwiyamamaza nk’umudepite uhagarariye abagore ariko atsindwa na Rachel Shebesh.

Mu 2022 nibwo yakiriwe mu ishyaka rya United Democratic Alliance, UDA, riyobowe na William Ruto anatangaza ko aziyamamariza kuba umusenateri.

Nyuma ntiyaje kwiyamamaza nk’umusenateri ahubwo yatanzwe n’ishyaka rye nyuma y’amatora.

Senator Karen Nyamu threatens to lead Nairobi women in nude protest to fight for equality in slums pic.twitter.com/Ti6eC0z8sp

— Citizen TV Kenya (@citizentvkenya) October 19, 2023

Senator Karen Nyamu: We have witnessed double standards when it comes to women leadership, I am a recent victim [laughter in Senate] we will not victimised anytime we do when we do much less than our male counterparts are doing. pic.twitter.com/MpMTYhUmdY

— NTV Kenya (@ntvkenya) December 30, 2022

Meet Karen Nyamu a kenyan senator Nominated by the ruling Class Kenya Kwanza. Karen was nominated for her good job in representing the Minorities in Kenya. Karen is a lawyer! pic.twitter.com/waXHu372zA

— The Kenyan Vigilante (@KenyanSays) November 19, 2024

Karen Nyamu aliingia akilamba lolo. Ni kama alikuwa amekunywa sana. pic.twitter.com/AdNvDSsmBM

— Cornelius K. Ronoh (@itskipronoh) August 28, 2024

Nyamu Karen ni umusenateri ukunze kutavugwaho rumwe

Ubwo Nyamu yarahiriraga kuba umusenateri

Perezida William Ruto yakira Nyamu mu ishyaka rya UDA mu 2022

Perezida wa Kenya William Ruto, yagaragaje ko yasabye Nyamu guhindura imyumvire

Nyamu akunze kugaragara mu myambarire igezweho, aha yari ari kurya ubuzima

Ubwo Nyamu Karen yabyinanaga n'abaturage

Hari ubwo imyambarire ye yibazwaho na benshi

Yishimirwa cyane n'urubyiruko

Amafoto ye akunze kuvugwaho cyane ku mbuga nkoranyambaga

Nyamu ni umusenateri ukunze kwirekura mu bijyanye n'imyambarire

Aha Nyamu Karen yari ari kubyina mu ruhame benshi babyibazaho

Nyamu akunze kwitwara nk'urubyiruko