00:00:00 IGIHE NETWORK KN KINYARWANDA EN ENGLISH FR FRANCAIS

Putin na Jinping bemeje kongera ubufatanye mu bya gisirikare

Yanditswe na IGIHE
Kuya 30 Ukuboza 2022 saa 06:04
Yasuwe :

Perezida w’u Burusiya, Vladimir Putin yabwiye mugenzi we w’u Bushinwa, Xi Jinping, ko ashaka ko bashyira ingufu mu bufatanye mu bya gisirikare nyuma y’uko ibihano bya Amerika n’u Burayi bikomeje gutera igihugu cye igitutu no kugishyira mu kato.

Perezida Putin na Jinping bagiranye ikiganiro kuri uyu wa Gatanu mu buryo bw’iyakure, bemeranya ko ibihugu byombi bigomba kongera imbaraga mu mubano wabyo.

U Burusiya burashaka gushyira imbaraga mu mubano n’u Bushinwa mu bya politiki n’igisirikare ahanini bitewe n’ibihano bwafatiwe n’ibihugu byo mu Burengerazuba bw’Isi kubera ibikorwa bya gisirikare bwatangije muri Ukraine.

Mu minota umunani yose, Putin yabwiye Jinping ko yiteguye ko azasura u Burusiya hagati ya Werurwe na Gicurasi, kandi bizereka Isi yose ko ibihugu byombi bifitanye umubano wa hafi.

Ati “Tugamije guteza imbere ubufatanye hagati y’ingabo z’u Burusiya n’iz’u Bushinwa”.

Yakomeje ashimira umuhate w’ibihugu byombi mu guhangana n’igitutu n’ubushotoranyi by’abo mu Burengerazuba bw’Isi.

U Bushinwa ntibwigeze bwamagana ibikorwa by’u Burusiya muri Ukraine. Perezida Jinping yavuze ko u Bushinwa bwiteguye kongera ubufatanye n’u Burusiya kandi butazahindura umurongo wabwo ku ntambara yo muri Ukraine.

Perezida Putin na Jinping bagiranye ikiganiro kuri uyu wa Gatanu

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .