Polisi yo mu Bwongereza igiye gukora iperereza muri Amerika ku rupfu rw’umuturage wazize impanuka

Yanditswe na IGIHE
Kuya 22 Ukwakira 2019 saa 03:49
Yasuwe :
0 0

U Bwongereza bugiye kohereza muri Leta Zunze Ubumwe za Amerika abapolisi bazajya guhata ibibazo umudipolomate w’umunyamerika ukekwaho kwica umwana wo mu Bwongereza mu mpanuka y’imodoka.

Amakuru yatangajwe n’Ibiro Ntaramakuru, Xinhua avuga ko polisi yo mu Bwongereza izajya gushaka umudipolomate Anne Sacoolas ukekwaho kugonga Harry Dunn w’imyaka 19 agahita apfa, nyuma agahita asubira iwabo.

Iyo mpanuka bivugwa ko yabaye muri Kanama uyu mwaka.

U Bwongereza ngo bwasabye Leta Zunze Ubumwe za Amerika kongera gutekereza ku mwanzuro zafashe wo gukoresha ubudahangarwa bwa Sacoolas nk’umudipolomate akemererwa kuva mu Bwongereza nyuma y’impanuka.

Mu ntangiriro z’uku kwezi, Perezida Donald Trump yavuganye kuri telefone na Minisitiri w’Intebe w’u Bwongereza Boris Johnson, baganira kuri icyo kibazo.

Harry Dunn yapfuye yishwe n’ibikomere yari yagize ku mutwe nyuma yo kugongwa n’imodoka mu mujyi wa Northamptonshire.

Nyuma byaje gutahurwa ko imodoka yahitanye uwo mwana yari itwawe n’umugabo w’umudipolomate w’umunyamerika uba mu Bwongereza.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza