Ku gicamunsi cyo kuri uyu wa Gatandatu nibwo uwo mugabo w’imyaka 69 yasuzumwe n’abaganga nyuma yo kurasa abantu batatu ku wa Gatanu.

Yajyanywe kuvurirwa ku Ishami rya Polisi rishinzwe kwita ku bafite ibibazo byo mu mutwe. Ibizava kwa muganga bizashyikirizwa inzego z’ubutabera zifate umwanzuro wemeza ko akurikiranwa afunzwe cyangwa se ko yaba adafunzwe.

Abantu batatu bishwe barashwe hafi y’agace ndangamuco k’aba-kurde kari ahitwa Enghien i Paris ku wa Gatanu mu masaha ya mbere ya Saa Sita. Usibye abapfuye, hari abandi batatu bakomeretse, barimo babiri bakomeretse bikomeye.

Ukekwa yahise atabwa muri yombi hadashize iminota 15. Si ubwa mbere yari akurikiranyweho n’ubutabera kuko no mu mpera za 2021, yasagariye ahantu haba abimukira. Icyo gihe yavuze ko ari umuntu uronda uruhu.

Abantu batatu bishwe barashwe n'umugabo ubu uri kuvurwa mu mutwe