00:00:00 IGIHE NETWORK KN KINYARWANDA EN ENGLISH FR FRANCAIS

Peru yabonye Perezida wa mbere w’umugore

Yanditswe na IGIHE
Kuya 8 Ukuboza 2022 saa 07:59
Yasuwe :

Dina Boluarte ni we mugore wa mbere ubaye Perezida wa Peru mu mateka y’iki gihugu, yasimbuye Pedro Castillo kuri uyu mwanya, wegujwe nyuma y’amasaha make agerageje gusesa Inteko Ishinga Amategeko.

Dina Boluarte, wari asanzwe ari Visi Perezida wa Peru, yarahiye kuri uyu wa Gatatu. Mbere yaho Castillo yari yavuze ko ashaka gukuraho Inteko Ishinga Amategeko akayisimbuza guverinoma idasanzwe.

Inteko Ishinga Amategeko ntiyitaye ku magambo ye ahubwo yahise itumiza inama y’igitaraganya iramweguza maze atabwa muri yombi ashinjwa kwigumura nk’uko inkuru dukesha BBC ibivuga.

Boluarte, umunyamategeko w’imyaka 60, yatangaje ko azayobora igihugu kugeza mu 2026, umwaka Castillo yari kuzarangirizamo manda ye. Akimara gufata inshingano nshya yasabye guhabwa urubuga n’umwanya wo kurokora igihugu.

Kuri uyu wa Gatatu muri Peru habaye uruhurirane rw’ibikorwa byabanjirijwe n’ijambo Perezida Pedro Castillo yavugiye kuri televiziyo y’igihugu aho yatangaje ko igihugu kiri mu bihe bidasanzwe.

Peru imaze igihe iri mu bibazo bya politiki byatumye ba perezida benshi bakurwaho mu myaka ya vuba aha. Mu 2020 Peru yagize ba perezida batatu mu minsi itanu.

Castillo wari umwarimu yatowe muri Kamena 2021 atsinze Keiko Fujimori bari bahanganye. Yari amaze igihe gito ashinjwa ibyaha bya ruswa ariko akabihakana avuga ko ari igitero agabwaho kigamije kumukura ku butegetsi.

Dina Boluarte ni we mugore wa mbere ubaye Perezida wa Peru mu mateka y’iki gihugu

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .