Perezida wa Turikiya yajugunye ibaruwa ya Trump mu myanda

Yanditswe na Ferdinand Maniraguha
Kuya 17 Ukwakira 2019 saa 06:03
Yasuwe :
0 0

Perezida wa Turikiya Recep Tayyip Erdogan yafashe ibaruwa ya Perezida wa Leta Zunze Ubumwe za Amerika ayishyira ahajugunywa imyanda.

BBC yatangaje ko tariki 9 Ukwakira Trump yandikiye Erdogan ibaruwa amumenyesha ko ingabo za Amerika zari ziri muri Syria zakuweyo. Ngo Trump yabwiye mugenzi we muri iyo baruwa ati “Ntugorane kandi ntube umusazi.”

Ngo Trump yashakaga kubwira Erdogan kutagaba ibitero muri Syria akurikiye aba-kurde ariko Erdogan yarabyanze, ingabo arazohereza.

Kuri ubu Visi Perezida wa Amerika, Mike Pence yageze muri Amerika mu biganiro bigamije guhosha imirwano.

BBC yatangaje ko iyo baruwa Trump yandikiye Erdogan yamaze kuyisoma agahita ayijugunya mu myanda.

Ngo muri iyo baruwa kandi Trump yabwiye mugenzi we kwirinda gushoza intambara, yabirengaho Amerika igafata ibihano.

Ati “Nta mpamvu yo kujya kwica ibihumbi by’abaturage kuko sinshaka gusenya ubukungu bwa Turikiya kandi nzabikora.”

Abakozi bo mu biro bya Perezida Erdogan babwiye BBC ko yarakajwe cyane n’imvugo y’ubwirasi Trump yakoresheje. Bavuze ko uwo munsi Trump yamwandikiyeho ari wo yahise atangiza ibitero muri Syria.

Turikiya irashaka kwirukana abarwanyi b’aba-kurde mu Majyaruguru ya Syria, bashaka ko habaho igihugu cyabo bwite bakiyomora kuri Turikiya na Syria.

Ingabo za Amerika zari zimaze igihe mu gace kabamo aba-kurde, bikaba byatumaga Turikiya ibura uko ihagaba ibitero. Mu minsi ishize nibwo Trump yafashe umwanzuro wo kuvanayo ingabo ze, Turikiya iboneraho kugaba ibitero biri guhitana abaturage.

Perezida Trump (ibumoso) aganira na Erdogan wa Turikiya

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza