00:00:00 IGIHE NETWORK KN KINYARWANDA EN ENGLISH FR FRANCAIS

Perezida wa Iran yakoze impanuka ya kajugujugu

Yanditswe na IGIHE
Kuya 19 May 2024 saa 03:44
Yasuwe :

Kajujugu yari itwaye Perezida wa Iran, Ebrahim Raisi yakoze impanuka kuri iki Cyumweru tariki 19 Gicurasi mu 2024. Kugeza ubu ntiharamenyekana uko ubuzima bwe buhagaze.

Iyi mpanuka yabereye mu Majyaruguru ashyira uburengerazuba bwa Iran, mu ntara ya East Azerbaijan.

Amakuru yashyizwe hanze n’itangazamakuru ryo muri Iran avuga ko ibikorwa by’ubutabazi byahise bitangira, nubwo byabanje gukomwa mu nkokora n’ikirere kitari cyifashe neza.

Uretse Perezida Rais bivugwa ko iyi ndege yari inarimo Minisitiri w’Ububanyi n’Amahanga wa Iran, Hossein Amir-Abdollahian na Imam wo mu gace ka Tabriz.

Iyi kajugujugu yari iherekejwe n’izindi ebyiri, zo zibasha kugwa neza, mu gihe iyi yo yakoze impanuka igerageza kururuka.

Ebrahim Raisi w’imyaka 63 ni Perezida wa munani mu mateka ya Iran, umwanya yagiyeho mu 2021. Mbere yaho yari Perezida w’Urukiko rw’Ikirenga.

Perezida wa Iran, Ebrahim Raisi yakoze impanuka ya kajugujugu

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .