Perezida wa Brésil yavuye mu bitaro nyuma yo gukubita umutwe hasi

Yanditswe na Ferdinand Maniraguha
Kuya 24 Ukuboza 2019 saa 05:07
Yasuwe :
0 0

Perezida wa Brésil, Jair Bolsonaro, yavuye mu bitaro kuri uyu wa Kabiri nyuma y’uko ajyanyweyo kubera kwitura hasi ari mu ngoro y’umukuru w’igihugu.

Bolsonaro w’imyaka 64 yavuye mu bitaro bya gisirikare mu murwa mukuru Brasilia nyuma y’amasaha icumi ari kuvurwa nkuko byatangajwe n’ibiro bye.

Yajyanywe mu bitaro ahagana saa tatu z’ijoro ku isaha yo muri Brésil kuri uyu wa Mbere ubwo yituraga mu bwogero buba mu ngoro y’umukuru w’igihugu, agakubita umutwe hasi.

Nta gikomere na kimwe abaganga basanze mu mutwe we nyuma yo kumunyuza mu cyuma, nk’uko itangazo rya Perezidansi ryabitangaje.

Bolsonaro yatowe umwaka ushize. Yagiye ajya mu bitaro inshuro zitandukanye kuvurwa nyuma yo guterwa icyuma ubwo yari mu bikorwa byo kwiyamamaza muri Nzeri 2018.

Bolsonaro yavanywe mu bitaro nyuma yo gukubita umutwe hasi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .