Perezida wa Brésil yanduye COVID-19

Yanditswe na Iradukunda Serge
Kuya 7 Nyakanga 2020 saa 08:29
Yasuwe :
0 0

Nyuma yo gufatwa ibipimo inshuro zigera kuri enye, inzego z’ubuzima muri Brésil zatangaje ko Perezida wa w’iki gihugu, Jair Bolsonaro yanduye icyorezo cya COVID-19.

Jair Bolsonaro uyobora Brésil yapimwe ku nshuro ya kane kuri uyu wa 7 Nyakanga 2020 nyuma yo kugaragaza ibimenyetso biranga iki cyorezo birimo n’umuriro mwinshi.

Uyu mukuru w’igihugu yagiye yumvikana kenshi ahinyuza ibijyanye na Coronavirus aho we yayitaga ‘ibicurane byoroheje’ bidashobora kugira ikintu gikomeye bimuhungabanyaho.

Bolsonaro yagiye yumvikana kandi asaba ba guverineri gufungura bimwe mu bikorwa byari byarafunze kubera icyorezo, avuga ko bigamije gusa gusubiza ubukungu bw’igihugu inyuma.

Uretse kudaha agaciro icyorezo cya COVID-19, Bolsonaro ashinjwa kugandisha abaturage be kuko mbere y’uko atagira kuvuga izo mvugo zose zumvikanisha ko COVID-19 ntacyo aricyo, umubare w’abanduye muri iki gihugu wabarirwaga mu bihumbi 40 mu gihe abari bamaze gupfa bo bari munsi y’ibihumbi bitatu.

Nyuma y’izi mvugo ze ubwandu muri iki gihugu bwatangiye kwiyongera mu buryo budasanzwe, aho kugeza uyu munsi hamaze kwandura abarenga miliyoni 1.6 mu gihe abamaze gupfa bazize COVID-19 bo bagera ku bihumbi 65.

Perezida wa Brésil, Jair Bolsonaro yanduye COVID-19

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .