Perezida Trump n’abayobozi bakuru ni bamwe mu bazaherwaho baterwa urukingo rwa Coronavirus

Yanditswe na Rosine Ingabire
Kuya 14 Ukuboza 2020 saa 07:31
Yasuwe :
0 0

Perezida wa Leta Zunze Ubumwe za Amerika Donald Trump, Visi Perezida we Mike Pence n’abandi bayobozi bakuru ni bamwe mu bazaherwaho bahabwa urukingo rwa Coronavirus ruratangirwa gutangwa kuri uyu wa Mbere.

Mu Cyumweru gishize nibwo Ikigo gishinzwe Imiti n’Ibiribwa (FDA) cyemeje ikoreshwa ry’urukingo rwakozwe na Pfizer ifatanyije na BioNTech, mu guhangana n’umubare munini w’abakomeje kwandura no guhitanwa na Coronavirus muri Amerika.

Reuters yatangaje ko ifite amakuru yizewe ko ikingira ritangira kuri uyu wa Mbere rirahera ku bayobozi bakuru barimo Perezida Trump na Visi Perezida we.

Biteganyijwe ku mu minsi icumi iri imbere, abayobozi bakomeye mu bigo by’ingenzi bya Leta bazaba bamaze gukingirwa.

Ntabwo hatangajwe niba Perezida Trump ari mu bakingirwa ku ikubitiro kuri uyu wa Mbere dore ko we yigeze kurwara Coronavirus agakira. Ntabwo kandi hatangajwe niba Perezida watowe Joe Biden n’abayobozi bazakorana muri Guverinoma ye barakingirwa mu ba mbere.

Biteganyijwe ko kuri uyu wa Mbere, inkingo z’ibanze ziraba zagejejwe mu bice 145 bitandukanye mu gihugu, aho gukingira birahera. Abakora mu rwego rw’ubuzima, abageze mu zabukuru n’abafite ibibazo bikomeye by’ubuzima nibo baraherwaho bakingirwa.

Perezida Trump ni umwe mu b'ibanze bazaherwaho bakingirwa Coronavirus (Photo: Associated Press)

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .