Ayo matora yari yashyizwe mu majwi cyane kubera ibirego by’uko u Burusiya bwayivanzemo, ndetse n’ibivugwa ku bijyanye n’uburiganya n’iterabwoba ryakorewe muri icyo gihugu kiri gusaba kuba umunyamuryango w’Umuryango w’Ubumwe bw’Uburayi (EU).

Hafi 99% by’amajwi bimaze kubarurwa ku cyiciro cya kabiri, bigaragaza ko Sandu yatsinze n’amajwi 55% mu gihe Alexandr Stoianoglo yagize 45% nk’uko Komisiyo y’Amatora muri icyo gihugu yabitangaje.

Kuba Sandu yatsinze amatora ni inkuru yashimisha ibihugu byo mu Burengerazuba bw’Isi cyane ko byanashyigikiye kandidatire ye.

Nyuma y’intsinzi, Sandu yagaragaje ko ari ikimenyetso cy’isomo rya demokarasi ryatanzwe kandi ko abaturage bamutoye babashije gucungura igihugu cyabo.

Ati “Moldova mwatsinze! Uyu munsi, Banya-Moldova bakundwa, mwatanze isomo rya demokarasi rikwiye kwandikwa mu bitabo by’amateka. Uyu munsi, mwakijije Moldova!”

Moldova iherereye mu Burayi bw'Iburasirazuba mu Majyepfo ya Ukraine

Perezida Maia Sandu yashimiye abaturage bahisemo neza

Perezida Maia Sandu yatsindiye indi manda yo kuyobora Moldova