Recep Tayyip Erdogan yavuze ko imyitwarire ya Israel idakwiriye gushyigikirwa kuko iki gihugu kimaze kwica abarenga ibihumbi 40 muri Gaza, abarenga miliyoni bakaba bamaze guhunga muri Liban aho iki gihugu cyatangije intambara ku mutwe wa Hezbollah.

Yagize ati "Gufatanya na Palestine na Liban bisobanuye kwifatanya n’ikiremwamuntu mu gushaka amahoro, tukagira umuco wo gushyigikirana nubwo twaba tudahuje imyemerere."

Perezida Erdogan azwiho kutavuga rumwe na Israel mu ntambara iki gihugu kirimo muri Gaza, aho kenshi yakunze kumvikana akinenga ndetse igihugu cye cyamaze guca umubano na Israel, kinifatanya na Afurika y’Epfo mu kirego cyashinjaga Israel kwica amahame y’uburenganzira bwa muntu.

Perezida Erdogan yasabye ko Ingabo za Loni zitabazwa mu guhangana na Israel