Papa Francis na Benedigito bakingiwe COVID-19

Yanditswe na IGIHE
Kuya 14 Mutarama 2021 saa 07:15
Yasuwe :
0 0

Umushumba wa Kiliziya Gatolika ku Isi, Papa Francis n’uwo yasimbuye kuri uyu mwanya, Papa Benedigito wa XVI bahawe urukingo rw’icyorezo cya COVID-19.

Mu itangazo Umuvugizi wa Vatican, Matteo Bruni yashyize hanze yavuze ko aba bagabo bombi bahawe doze yabo ya mbere y’urukingo.

Metteo Bruni ntiyigeze atangaza umunsi nyirizina Papa Francis na Papa Benedigito bakingiriweho, gusa mu ntangiriro z’iki cyumweru Papa Francis yari yavuze ko ubwo ibikorwa byo gukingira muri Vatican bizaba bitangiye ari mu bazaherwaho.

Ibikorwa byo gukingira COVID-19 muri Vatican byatangiye ku wa Gatatu, tariki ya 13 Mutarama 2021.

Papa Francis yakingiwe mu gihe hashize iminsi mike umuganga we bwite, Fabrizio Soccorsi, yitabye Imana ku myaka 78 azize ingaruka yatewe na COVID-19.

Yaba Papa Francis na Benedigito bombi bari mu cyiciro cy’abantu bashobora kwibasirwa cyane na COVID-19 kubera imyaka yabo, aho Papa Francis afite imyaka 84 mu gihe mugenzi we afite 93.

Papa Francis na mugenzi we Benedigito bakingiwe Covid-19

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .