00:00:00 IGIHE NETWORK KN KINYARWANDA EN ENGLISH FR FRANCAIS

Pakistan: Urukiko rwarekuye umugabo nyuma yo kwemera kurongora uwo yafashe ku ngufu

Yanditswe na Bukuru JC
Kuya 29 Ukuboza 2022 saa 05:13
Yasuwe :

Urukiko rwo muri Pakistan rwarekuye umugabo w’imyaka 23, wemeye kurongora umugore ufite ubumuga yafashe ku ngufu.

Mu 2020 nibwo Daulat Khan yafashe ku ngufu umugore utumva w’imyaka 36. Muri Gicurasi uyu mwaka nibwo yakatiwe igifungo cya burundu no kwishyura amande y’amadolari 440.

CNN yatangaje ko uwo mugore wafashwe ku ngufu, yaje kubyara umwana waturutse kuri uko gufatwa ku ngufu.

Muri uku kwezi, abo bombi babifashijwe n’inararibonye zo mu gace batuyemo, bemeye gusezerana nk’umugabo n’umugore, nk’uko amategeko ya Sharia abiteganya, urukiko rubiheraho rumurekura.

Ni umwanzuro wamaganywe na benshi bavuga ko kumvikanisha uwakoze icyaha n’uwagikorewe ari ubundi buryo bw’ihohoterwa kuri uwo mugore wafashwe ku ngufu.

Pakistan ni kimwe mu bihugu abagore bahohoterwa cyane, nk’umwaka ushize habarurwa abasaga 5200 bafashwe ku ngufu.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .