OMS yatanze umuburo ko Coronavirus ishobora kugera mu bihugu byose ku Isi

Yanditswe na Bukuru JC
Kuya 29 Gashyantare 2020 saa 09:50
Yasuwe :
0 0

Ishami ry’Umuryango w’Abibumbye ryita ku buzima (OMS), kuri uyu wa Gatanu ryatanze umuburo ko icyorezo cya Coronavirus gikomeje gukwirakwira henshi, ku buryo gishobora kugera mu bihugu byose ku Isi.

Umuvugizi wa OMS, Christian Lindmeier, yabwiye itangazamakuru ko icyorezo cya Coronavirus kirimo gukara, ndetse atanga umuburo ko gishobora gukwirakwira ku Isi yose.

Ni nyuma y’uko Nigeria itangaje ko umuntu wa mbere muri Afurika yo munsi y’ubutayu bwa Sahara, urwaye Coronavirus yagaragaye muri iki gihugu. Hari hashize iminsi ibiri Brazil itangaje ko umuntu wa mbere wanduye Coronavirus yagaragaye muri Amerika y’Amajyepfo.

Kuri uyu wa Gatanu, abantu barenga 83 000, byari bimaze kwemezwa ko banduye virus ya Coronavirus, aho bari ku migabane yose uretse Antarctica. Abantu benshi banduye ni abo mu Bushinwa, aho iki cyorezo cyatangiriye umwaka ushize.

Komisiyo y’igihugu ishinzwe ubuzima mu Bushinwa, yatangaje ko abandi bantu 327 banduye Coronavirus, ndetse abandi 44 bakaba bahitanywe na yo. Muri iki gihugu abantu 78 824 banduye Coronavirus barimo 2788 imaze kwica.

Muri iki cyumweru OMS yaburiye ibihugu ko byakwitegura kurwanya Coronavirus, kuko irimo gukomanga imiryango ahantu hose.

Kwimakaza isuku ni bumwe mu buryo bwo kwirinda Coronavirus

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza