OMS mu biganiro n’u Bushinwa ku bisabwa mu kwemezwa urukingo rwa coronavirus

Yanditswe na Dufitumukiza Salathiel
Kuya 9 Nzeri 2020 saa 10:34
Yasuwe :
0 0

Ishami ry’Umuryango w’Abibumbye ryita ku buzima, OMS, ryatangaje ko riri mu biganiro na leta ya u Bushinwa, bigamije kurebera hamwe ibisabwa kugira ngo hemezwe inkingo za coronavirus zikorerwa muri iki gihugu.

Umuyobozi Mukuru Wungirije wa OMS, Mariangela Simao, yatangaje ko bamaze iminsi bahanahana amakuru, aganisha ku kwemezwa kw’inkingo za Coronavirus zirimo gukorerwa mu Bushinwa.

Ku Cyumweru umuyobozi mukuru w’ikigo Sinovac Biotech Ltd, yavuze ko 90% by’abakozi b’iki kigo cyo mu Bushinwa n’imiryango yabo, bafashe mu buryo bw’igerageza ku rukingo cyakoze muri gahunda y’icyo gihugu yo kurushakisha.

Muri Nyakanga nibwo byatangajwe ko u Bushinwa bwemeje ikoreshwa rya zimwe mu nkingo za Coronavirus zakorewe muri icyo gihugu, mu buryo bw’igerageza.

Ubuyobozi bw’ikigo gishinzwe ibikoresho byifashishwa mu buvuzi, butangaza ko hari inkingo nibura umunani za Coronavirus, ziri mu magerageza ku byiciro bitandukanye.

Yang Xiaoming ushinzwe ibijyanaye n’ubumenyi bwa gihanga mu kigo cy’u Bushinwa gikora inkingo akaba n’Umuyobozi Mukuru wa China National Biotec Group (CNBG), yabwiye CCTV ko hari abantu basaga 20 000 bamaze guhabwa mu igerageza urukingo bakoze, ndetse hari ibihugu byinshi byemeye kurugerageza.

Ibyo bihugu birimo Argentine, Peru, Morocco na Leta Zunze Ubumwe z’Abarabu, bemeye ko icyiciro cya nyuma cy’igerageza ari nacyo kibera ,u antu, cyakorerwa muri ibyo bihugu.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .