Obama yatewe impungenge n’uko Amerika yacitsemo ibice

Yanditswe na Umwali Zhuri
Kuya 16 Ugushyingo 2020 saa 10:26
Yasuwe :
0 0

Uwahoze ari Perezida wa Leta Zunze Ubumwe za Amerika, Barack Obama, yatangaje ko ibimaze kuva mu matora y’Umukuru w’Igihugu yabaye mu ntangiriro z’uku kwezi, bigaragaza uburyo iki gihugu cyacitsemo ibice, by’umwihariko kuba buri mukandida yaratowe n’abaturage barenga miliyoni 70.

Obama ashyigikiye Biden wahoze ari Visi Perezida we muri manda ebyiri yayoboyemo Amerika. Niwe watangajwe nk’uwatsinze nubwo Trump yamaganye ibyavuye mu matora akavuga ko Urukiko rw’Ikirenga arirwo rugomba kwemeza mu buryo ntakuka uwatsinze.

Kugeza ubu mu majwi amaze kubarurwa, Biden niwe watsinze kuko yarengeje amajwi 270 aba asabwa umukandida kugira ngo atorerwe kuyobora iki gihugu cy’igihangange ku Isi. Afite 306 mu gihe Trump we afite 232. Aya ni amajwi agenda abarwa bitewe n’umubare w’abaturage batuye leta runaka, gusa amajwi rusange yo buri mukandida amaze gutorwa b’abantu barenga miliyoni 70.

Nka Biden amaze gutorwa na 78.678.763 bingana na 50,9% by’abatoye bose mu gihe Trump we amaze gutorwa na 73.116.708 bingana na 47,3%.

Mu kiganiro yagiranye na CBS, Obama yavuze ko icyo iyi mibare ivuze ari uko igihugu cyamaze gucikamo ibice ku buryo bukomeye.

Ati “Icyo bivuze ni uko twacitsemo ibice ku buryo bikomeye.”

Abajijwe niba bimuteye impungenge, Obama yasubije ati “Yego, biragoye cyane kuri demokarasi yacu gukora mu gihe twaba turi gukorera mu buryo butandukanye.”

Kuri iki Cyumweru, muri Leta Zunze Ubumwe za Amerika muri leta zitandukanye, habaye imyigaragambyo ikomeye y’abashyigikiye Trump bamagana ibyavuye mu matora aho bakomeje gushimangira ko bibwe.

Obama atewe impungenge no kuba Amerika iri kugenda icikamo ibice
Mu mpera z'iki Cyumweru, muri Amerika habaye imyigaragambyo ikomeye y'abashyigikiye Trump

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .