Montgomery yabaye umugore wa mbere unyonzwe na Leta ya Amerika mu myaka 67 ishize

Yanditswe na Ndahayo Emmanuel
Kuya 13 Mutarama 2021 saa 09:59
Yasuwe :
0 0

Lisa Montggomery wari ufite imyaka 52, yabaye umugore wa mbere uhanishijwe igihano cy’urupfu bitegetswe na Goverinoma ya Amerika aho kuba Leta ubwazo, aba umugore wa mbere uhawe icyo gihano muri Amerika nyuma y’imyaka 67 yose.

Montgomery yahamijwe icyaha cyo kwica Stinnett wari ufite imyaka 23 amunigishije umugozi, ubundi agakoresha icyuma yari afite akamukura umwana mu nda yari ifite amezi umunani, akamujyana avuga ko ari uwe nyuma yo kwica nyina.

Urubanza rw’uyu mugore rwakuruye impaka cyane dore ko abashyigikiye ko igihano cy’urupfu kivanwaho muri Amerika n’abanyamategeko bavugaga ko Montgomery yari afite ikibazo cyo mu mutwe, ku buryo ibyo yakoze atari yabitekerejeho neza.

Mu buto bwe, Montgomery yarahohotewe cyane, aho bivugwa ko yafashwe ku ngufu inshuro nyinshi. Kubera izi mpamvu, abanyamategeko b’uyu mugore bavuga ko atagakwiye guhanishwa igihano nk’iki gikomeye kuko iryo hohotera yakorewe ryagize ingaruka ku mitekerereze ye, ibintu byanemejwe n’abaganga.

Mu minsi ye ya nyuma, Montgomery yakoresheje umwanya we adodera abanyamategeko be imitako akayibaha nk’impano, ndetse ngo yari umuntu utuje cyane. Ibi bikorwa ariko byaje guhagarikwa nyuma y’uko uyu mugore yambuwe amadarubindi ye aho byakekwaga ko ashobora kuzayakoresha yiyahura.

Abanyamategeko be bavuga ko no kugeza mu minsi ye ya nyuma, kubera ibibazo byo mu mutwe, Montgomery atari yakiyumvisha neza uburemere bw’igihano cy’urupfu azahabwa, ibyo bavuga ko bigaragaza ko yari afite ikibazo cy’uburwayi bwo mu mutwe.

Mbere yo kwicwa atewe urushinge, Montgomery yabajijwe niba hari ijambo rya nyuma afite ryo kuvuga, asubiza ko “ntaryo”.

Mbere y’uko Trump asohoka muri White House, hari hateganyijwe kwicwa abandi bantu babiri, gusa ibihano byabo byarasubitswe bitewe n’uko banduye icyorezo cya Coronavirus.

Victoria Jo ufite imyaka 16, niwe Montgomery yagerageje kwiba ndetse amwicira nyina. Kuva iki kibazo cyatangira, nta kintu na kimwe arakivugaho ariko akaba akurikiranwa bya hafi kuko bikekwa ko ashobobora kuzakurizamo ibibazo byo mu mutwe, na cyane ko atangiye guca akenge.

Lisa Montgomery yabaye umugore wa mbere wishwe na Guverinoma ya Amerika

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .