00:00:00 IGIHE NETWORK KN KINYARWANDA EN ENGLISH FR FRANCAIS

Nouvelle-Zélande: Minisitiri w’Intebe yiyemeje kwegura ku bw’intege nke z’umubiri

Yanditswe na IGIHE
Kuya 19 Mutarama 2023 saa 05:28
Yasuwe :

Minisitiri w’Intebe wa Nouvelle-Zélande, Jacinda Ardern, yatangaje ko agiye kwegura kubera ikibazo cy’intege nke nubwo yizeye adashidikanya ko ishyaka rye rifite ubushobozi bwo kuzegukana amatora ari imbere.

Yabigarutseho mu mbwirwaruhame yanyujijwe kuri televiziyo ku wa 19 MUtarama. Yasobanuye ko amatora rusange ateganyijwe ku wa 14 Ukwakira kandi ko ishyaka rye ry’Abakozi riri mu mwanya mwiza wo kuyegukana.

Jacinda Ardern yari umukuru wa guverinoma ya Nouvelle-Zélande kuva mu myaka irenga itanu. Kuri uyu wa 19 Mutarama 2023, yatangaje ko azegura mu kwezi gutaha.

Yagize ati “ Ku bwanjye igihe kirageze. Nta mbaraga zihagije mfite zo kuyobora indi manda y’imyaka ine. Ndi umuntu. Dutanga ibyo dufitiye ubushobozi mu gihe gishoboka none kuri jye igihe kirageze. Ntabwo ngiye kubera ko ntekereza ko tuzatsindwa amatora [ishyaka], ndabizi neza ko tuzabishobora kandi tuzabikora.”

Yatangaje ko azegura ku wa 7 Gashyantare kandi ko inteko y’ishyaka rye izatora uzamusimbura mu minsi itatu izakurikira. Minisitiri w’Intebe wungirije, Grant Robertson, yamaze gutangaza ko atazatanga kandidatire yo gusimbura Ardern.

Jacinda Ardern afite imyaka 42 y’amavuko; yabaye Minisitiri w’Intebe muri guverinoma ihurirweho mu 2017 mbere yo kuyobora ishyaka ry’abakozi ryatsinze amatora mu myaka itatu yakurikiyeho.

Muri manda ye yahuye n’ibibazo birimo icyorezo cya Covid-19, iruka ry’ikirunga ryahitanye ubuzima bw’abantu benshi n’igitero karundura cy’iterabwoba cyahitanye abayoboke 51 b’idini ya Islam mu 2019.

Minisitiri w’Intebe wa Nouvelle-Zélande, Jacinda Ardern yiyemeje kwegura ku bw’intege nke z’umubiri

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .