00:00:00 IGIHE NETWORK KN KINYARWANDA EN ENGLISH FR FRANCAIS

Nouvelle Zélande: Ardern agiye kwegura ku mwanya wa Minisitiri w’Intebe nyuma yo guca agahigo ku Isi

Yanditswe na Umwali Zhuri
Kuya 19 Mutarama 2023 saa 07:32
Yasuwe :

Minisitiri w’Intebe wa Nouvelle Zélande, Jacinda Ardern, yatangaje azegura ku mwanya we mu kwezi gutaha kuko yumva nta byinshi afite yageza ku gihugu cye.

Uyu mugore wari umaze kuba ikirangirire ku Isi kubera politiki ye, yavuze ko imyaka itandatu yari amaze ku buyobozi yari igoye cyane.

Azegura ku mwanya w’ishyaka ry’abakozi bitarenze tariki 7 Gashyantare. Nyuma yaho hazabaho amatora yo kwemeza umusimbura.

Muri Nouvelle Zélande hazabaho kandi amatora rusange ku wa 14 Ukwakira.

Ardern w’imyaka 42 yavuze ko umwanzuro wo kwegura yawutekerejeho mu biruhuko by’impeshyi biheruka.

Yabaye umugore wa mbere muto uyoboye Guverinoma y’igihugu icyo aricyo cyose ku Isi kuko mu 2017 ubwo yatangiraga izi nshingano, yari afite imyaka 37.

Mu mpera z’uwo mwaka, yabaye kandi umugore wa kabiri ku Isi uri mu buyobozi ku mwanya ukomeye ubyaye akiri mu nshingano.

Minisitiri w’Intebe wa Nouvelle Zélande, Jacinda Ardern, agiye kwegura

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .