New York: Imibiri 650 y’abazize Coronavirus imaze amezi arenga atandatu itarashyingurwa

Yanditswe na IGIHE
Kuya 23 Ugushyingo 2020 saa 08:59
Yasuwe :
0 0

Muri Leta Zunze Ubumwe za Amerika mu Mujyi wa New York hatahuwe imibiri 650 y’abantu bishwe na Covid-19 mu mezi arenga atandatu ashize, kugeza n’ubu ikiri mu modoka zikonjesha itarashyingurwa.

Izi modoka zirimo iyi mirambo zashyizweho muri Mata, nk’uburyo bw’uburuhukiro bwo kwitabaza, nyuma y’uko ubwo mu bitaro bwari bwamaze kuzura kubera umubare munini w’abicwaga n’iki cyorezo muri uku kwezi.

Ibiro by’ushinzwe ubuvuzi i New York byemeje aya makuru bibwira New York Post ko imibiri y’abantu ikiri muri izi modoka, imyinshi ari iy’abakomoka mu miryango itarashoboye kumenyekana cyangwa itarashoboraga kubashyingura bikwiye.

Leta ya New York ni imwe mu zibasiwe cyane na Covid-19 muri Amerika dore ko imaze gupfusha abantu basaga ibihumbi 26 barimo 30 bapfuye ku wa 22 Ugushyingo. Abamaze kwandura Covid-19 muri iyi Leta nabo barenga ibihumbi 600.

Muri rusange Leta Zunze Ubumwe za Amerika ziracyaza imbere mu bihugu byazahajwe cyane na Covid-19 ku Isi, aho zifite umubare w’abanduye urenga miliyoni 12 n’abapfuye barenga ibihumbi 257.

Imirambo igera kuri 650 imaze amezi arenga atandatu muri izi modoka zikonjesha

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .