00:00:00 IGIHE NETWORK KN KINYARWANDA EN ENGLISH FR FRANCAIS

Umutungo w’abakire 10 ba mbere ku Isi wikubye kabiri mu bihe bya Covid-19

Yanditswe na IGIHE
Kuya 17 January 2022 saa 03:59
Yasuwe :

Umuryango Mpuzamahanga urwanya ubusumbane, Oxfam, watangaje ko mu myaka ibiri ishize icyorezo cya COVID-19 kigeze ku Isi, imitungo y’abakire ba mbere 10 ku Isi yikubye kabiri.

Uyu muryango wavuze ko amafaranga aba bantu bari batunze mbere y’uko COVID-19 iza, yabarirwaga muri miliyari 700$ none ubu akaba ageze kuri miliyari 1500$. Imibare igaragaza ko nibura amafaranga batunze yiyongeragaho miliyari 1,3$ buri munsi.

Amafaranga yikubye kabiri ni aya Elon Musk, Jeff Bezos, Larry Page, Sergey Brin, Mark Zuckerberg, Bill Gates, Steve Ballmer, Larry Ellison, Warren Buffet na Bernard Arnault.

Ibi Oxfam yabitangaje binyuze mu nama y’abayobozi b’ibihugu byo hirya no hino ku Isi byitabiriye World Economic Forum.

Abayobozi b’uyu muryango bavuze ko ibi bikomeje kugaragaza ubusumbane bukomeye buri mu batuye Isi, aho nibura buri munsi abagera ku bihumbi 21 bapfa bazize kutabasha kwiyishyurira serivisi z’ubuzima, inzira n’ingaruka z’imihindagurikire y’ibihe.

Bakomeje basaba ko ibihugu bikomeye byakaza ibijyanye n’imisoro kugira ngo amafaranga aba bakire basoreshwa ajye akoreshwa muri gahunda z’ikorwa ry’inkingo, guhangana n’imihindagurikire y’ibihe ndetse n’ihohoterwa rishingiye ku gitsina.

Elon Musk washinze uruganda rwa Tesla rukora imodoka z’amashanyarazi niwe uyoboye urutonde rw’abakire ba mbere ku Isi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .