Nk’uko byatangajwe n’ikinyamakuru Xhinhua, iki kigo cyasobanuye ko iyi zahabu iri mu bujyakuzimu bw’ibilometero bitatu mu kirombe cya Wangu.

Chen Ruling uri mu nzobere zatahuye iyi zahabu, yasobanuye ko ahantu henshi hacukuwe muri iki kirombere hagaragaye aya mabuye y’agaciro, ati “Ibitare byinshi byacukuwe byagaragaje zahabu.”

Umuyobozi wungirije w’iki kigo, Liu Yongjun, yatangaje ko hifashishijwe ikoranabuhanga rigezweho mu gutahura aya mabuye y’agaciro mu kirombe cya Wangu.

Muri iki kirombe ni ho hantu ha mbere ku Isi habonewe icya rimwe zahabu nyinshi. Ahandi habonetse inyinshi ni muri Afurika y’Epfo, yageraga kuri toni 900.

Ku kirombe cya Wangu, ahavumbuwe zahabu ipimye toni 1100

Abakozi bo mu kigo cya Hunan bazanye amabuye bakuye munsi y'ubutaka