Ku wa 3 Kanama, habonetse ubwandu bwa Monkeypox ku bantu barenga 6600. Ni imibare ikomeje kuzamuka umunsi ku wundi.

Umuntu wanduye iki cyorezo agaragaza ibimenyetso birimo umuriro, kuribwa umutwe, kugira ibibara ku mubiri, ibiheri bishobora kuryaryata, gusa ni gake ishobora guhitana umuntu.

Ikigo gishinzwe kugenzura ibyorezo muri Amerika kivuga ko Monkeypox ishobora kumara ibyumweru biri hagati ya bibiri na bine umuntu ayirwaye.

Bibarwa ko abantu barenga 7000 bayanduye ku wa Kane muri Amerika. Ni mu gihe abarenga ibihumbi 25 bamaze kuyandura ku Isi yose.

Iki cyorezo kimaze kugaragara mu bihugu birenga 70.

Monkeypox ikomeje gutitiza abatuye Isi muri iyi minsi bafite ubwoba ko ishobora gukwira nka Covid-19