00:00:00 IGIHE NETWORK KN KINYARWANDA EN ENGLISH FR FRANCAIS

Minisitiri w’Intebe w’u Bwongereza yaciwe amande yo kutambara umukandara mu modoka

Yanditswe na Umwali Zhuri
Kuya 21 Mutarama 2023 saa 09:17
Yasuwe :

Minisitiri w’Intebe w’u Bwongereza, Rishi Sunak, yaciwe amande nyuma y’uko bigaragaye ko yari mu modoka mu muhanda ariko atambaye umukandara.

Uyu mugabo w’imyaka 42 yaciwe amande angana n’ibihumbi birenga 100 Frw (£100) nyuma y’uko yari ari kugenda mu mudoka atambaye umukandara, ari gufata amashusho yo kwifashisha ku mbuga nkoranyambaga.

Sunak yatangaje ko yemeye amande yaciwe ku bw’amakosa yakoze, anayasabira imbabazi.

Ubusanzwe mu Bwongereza, umugenzi ufashwe atambaye umukandara mu modoka igihe umwanya yicayemo urimo, ahanishwa kwishyura £100. Sunak ntabwo yari yicaye mu myanya y’imbere, ahubwo yari inyuma gusa intebe yari yicayeho yari iriho umukandara.

Aya mafaranga ashobora kwiyongera iyo ikirego cyo kurenga ku mategeko y’umuhanda kigeze mu nkiko.

Minisitiri w’Intebe yari mu gace ka Lancashire mu Majyaruguru y’Umujyi wa Londres. Yari ari gufata amashusho avuga kuri gahunda za guverinoma ye.

Ni ubwa kabiri Sunak ahaniwe kutambara umukandara mu muhanda kuva yajya ku buyobozi.

Minisitiri w'Intebe w'u Bwongereza, Rishi Sunak, yagaragaye ari mu muhanda atambaye umukandara

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .