Minisitiri mushya w’Umutekano mu Bufaransa agiye gukorwaho iperereza ku byaha byo gufata ku ngufu

Yanditswe na Umwali Zhuri
Kuya 8 Nyakanga 2020 saa 09:38
Yasuwe :
0 0

Minisitiri mushya w’Umutekano mu Bufaransa, Gérald Darmanin, ashobora gutangira gukorwaho iperereza mu maguru mashya akurikiranyweho ibyaha bijyanye no gufata ku ngufu.

Urukiko rw’Ubujurire rw’i Paris rwanzuye ko umucamanza ashobora gusubukura iperereza kuri dosiye ye yo mu 2018 aho Darmanin ashinjwa ko mu 2009 yafashe ku ngufu umugore.

Umwunganizi wa Darmanin mu mategeko yamaganye ibi birego, avuga ko nta shingiro bifite kugeza ubu.

Mu gitondo cyo kuri uyu wa Kabiri, abantu benshi bahuriye imbere ya Minisiteri y’Umutekano, baririmba ko Darmanin ari umuntu ufata ku ngufu. Polisi yahise ibirukana aho bari bari.

Darmanin ashinjwa ko yafashe ku ngufu Sophie Patterson ndetse akamukorera ihohotera rishingiye ku gitsina muri Mutarama 2018. Uyu mugore yavuze ko Darmanin yakoresheje umwanya yari afite nk’umwe mu bari mu nzego z’ubutabera mu 2009 maze akamuhatira gukora imibonano mpuzabitsina icyo gihe.

Muri Gashyantare 2018, iki kirego cyari cyanzwe, ariko muri Kamena uyu mwaka, Urukiko rw’ubujurire rw’i Paris rwanzuye ko impamvu zatanzwe nk’izishingirwaho mu kuba iki kirego kitakurikiranwa zidahagije.

Uwo mwanzuro uvuze ko iyi dosiye izasubira mu maboko y’abacamanza bashinzwe iperereza bazemeza ko niba rigomba gusubukurwa.

Minisitiri mushya w’Umutekano mu Bufaransa, Gérald Darmanin, ashinjwa ko mu 2009 yakoresheje umugore imibonano mpuzabitsina ku gahato

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .