00:00:00 IGIHE NETWORK KN KINYARWANDA EN ENGLISH FR FRANCAIS

Menya Paxlovid; ibinini bya Covid-19 biri gukoreshwa mu kuvura Joe Biden

Yanditswe na Mugisha Christian
Kuya 22 July 2022 saa 12:36
Yasuwe :

Nyuma y’uko Ibiro bya Perezida wa Leta Zunze Ubumwe wa Amerika bisohoye itangazo rivuga ko Joe Biden yasanzwemo Covid-19, hanatangajwe ko ari gukoresha imiti izwi nka ‘Paxlovid’ ikorwa n’uruganda rwa Pfizer.

Iri tangazo ryavugaga ko uyu mugabo w’imyaka 79 ari kuvurwa na Paxlovid, imiti ihabwa abarwayi bafite Covid-19.

Ibi binini byemewe gusa kuvura abarwayi batari munsi y’imyaka 12 kandi bafite ibiro 40 nyuma yo gusuzumwa bagasangwamo Covid-19.

Gufata ibi binini kandi bisaba ko ugomba kuba urwaye Covid-19 ndetse hari n’ibyago byinshi by’uko ushobora kuzahazwa na yo.

Ibi bishatse kuvuga ko ubifata ufite izindi ndwara zirimo kanseri, diyabete, umubyibuho ukabije n’izindi cyangwa ukaba ufite imyaka iri hejuru ya 65 kuko abafite iyi myaka no hejuru yayo bafite ibyago byinshi byo kwicwa n’iyi ndwara, nk’uko bitangazwa n’Ikigo cya Leta Zunze Ubumwe za Amerika gishinzwe gukurikirana no gukumira indwara, CDC.

Ibi binini bigomba gufatwa mu gihe cy’iminsi itanu, nyuma yo kumenya ko ufite ibimenyetso bya Covid-19. Paxlovid itangwa nk’ibinini bitatu bigafatirwa hamwe inshuro ebyiri ku munsi.

Ikigo gishinzwe kugenzura ibiribwa n’imiti muri Leta Zunze Ubumwe za Amerika, FDA, kivuga ko ibi binini bitangirwa ubuntu ku bakeneye ubuvuzi bw’ibanze.

Ariko ubusanzwe ubuvuzi bw’iminsi itanu hifashishijwe ibi binini bwishyurwa 580$ kandi bushobora no gukoreshwa ku bafashe ibipimo bya Covid-19 bakoresheje PCR, bagasanga bayirwaye cyangwa abayirwariye mu rugo.

Paxlovid nibyo binini biri kwifashishwa na Joe Biden mu kwivuza Covid-19

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .