00:00:00 IGIHE NETWORK KN KINYARWANDA EN ENGLISH FR FRANCAIS

Melania Trump yaciye amarenga yo kugaruka muri White House

Yanditswe na Bukuru JC
Kuya 15 May 2022 saa 05:04
Yasuwe :

Melania Trump, umugore wa Donald Trump wahoze ari Perezida wa Leta Zunze Ubumwe za Amerika, yaciye amarenga ko mu mwaka wa 2024 ashobora gusubira mu ngoro y’Umukuru w’Igihugu i Washington D.C.

Yabitangarije Fox News kuri iki Cyumweru, mu kiganiro cye cya mbere ahaye itangazamakuru kuva umugabo we yava ku butegetsi.

Ubwo yari abajijwe niba afite icyizere cyo kongera gusubira kuba muri Perezidansi ya Amerika izwi nka White House, yavuze ko nta rirarenga.

Ati “Ndakeka ko mu myaka ine twamaze twakoze byinshi. Rero nta rirarenga.”

Yabajijwe uko abona imitegekere ya Joe Biden wasimbuye umugabo we, avuga ko ibintu byabaye bibi.

Ati “Ndakeka ko bibabaje ibiri kuba, ubirebye neza niko wabibona. Urebye abantu benshi ubuzima bwabo bwabaye bubi. Birababaje, ndifuza ko bihinduka vuba.”

Hashize igihe bihwihwiswa ko Donald Trump ashobora kuziyamamaza mu matora yo mu 2024, icyakora ari we cyangwa umuryango we nta gihamya ndakuka baratangaza.

Trump yemerewe kuba yakongera kwiyamamaza kubera ko yayoboye manda imwe, agatsindwa ubwo yiyamamarizaga iya kabiri.

Itegeko Nshinga rya Amerika ribuza kwiyamamaza umuntu wayoboye manda ebyiri.

Melania Trump yavuze ko afite icyizere cyo gusubira muri White House

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .