Iki cyemezo gifashwe gikurikira icyo gufunga by’agateganyo amashami yacyo 850 muri Werurwe uyu mwaka. Ibi byemezo bishingiye ku cyo iki kigo cyise ’akaga ku kiremwamuntu’ ndetse n’imikorere ihindagurika byatewe n’intambara ya Ukraine.

Mu 1990 nibwo hafunguwe restaurant ya mbere ya McDonald’s i Moscow mu Burusiya, kikaba ari igikorwa cyakozwe mu kwerekana irangira ry’intambara y’ubutita.

Nyuma y’umwaka, Leta zunze Ubumwe z’abasoviyete zisenyutse, u Burusiya bwafunguriye amarembo ibindi bigo byo mu Burengerazuba bw’Isi.

Umuyobozi wa McDonald’s , Chris Kempczinski, yavuze ko iki ari ikibazo gikomeye gifite ingaruka nyinshi cyane. Yavuze ko bamwe bifuzaga ko bakomeza gutanga amafunguro bakanakoresha ibihumbi by’abakozi ariko bidashoboka.

McDonald’s yafunze imiryango burundu mu Burusiya aho yari imaze imyaka irenga 30 ikorera