00:00:00 IGIHE NETWORK KN KINYARWANDA EN ENGLISH FR FRANCAIS

Maroc yahagaritse indege ziva mu Bwongereza, u Budage n’u Buholandi

Yanditswe na IGIHE
Kuya 21 Ukwakira 2021 saa 09:32
Yasuwe :
0 0

Ubwami bwa Maroc bwatangaje ko bwahagaritse ingendo z’indege ziva n’izijya mu Bwongereza, u Budage n’u Buholandi kubera ubwiyongere bwa COVID-19 bugaragara muri ibi bihugu.

Amakuru dukesha BBC avuga ko ibigo by’indege byo mu Bwongereza byabwiwe na Maroc ko guhera ku wa Gatatu tariki 20 Ukwakira 2021 bigomba guhagarika ingendo byagiriraga muri iki gihugu.

Maroc ifashe iki cyemezo mu gihe icyorezo cya COVID-19 cyongeye gusa n’icyubura umutwe mu Bwongereza, aho tariki ya 19 Ukwakira 2021 handuye abantu 43 738, biba iminsi irindwi yikurikiranyije muri iki gihugu handura abari hejuru y’ibihumbi 40.

Uretse abandura n’umubare w’abari mu bitaro wazamutseho 10% mu gihe cy’icyumweru kimwe ugera ku bantu 7 749.

Umubare w’abicwa n’iki cyorezo mu Bwongereza nawo wongeye kuzamuka kuko ku wa 19 Ukwakira 2021 hapfuye abantu 223. Impfu zingana gutya zaherukaga kuboneka muri iki gihugu muri Werurwe.

Abagenzi baturutse muri iki bihugu bajya muri Maroc basabwa kubanza guca mu kindi gihugu kandi bakerekana ko bahawe doze ebyiri z’inkingo za COVID-19 n’icyangombwa cyemeza ko batanduye iki cyorezo.

Maroc yahagaritse indege ziva mu Bwongereza, u Budage n’u Buholandi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .