MacKenzie Scott wahoze ari umugore wa Jeff Bezos, agiye gushakana n’umwarimu

00:00:00 IGIHE NETWORK

KINYARWANDA

ENGLISH

FRANCAIS IGIHE TV

Izigezweho

U Rwanda - Bizasaba iki ngo ingengabitekerezo ya Jenoside iranduke burundu mu Banyarwanda?
U Rwanda - Ukugoreka indimi kwa Amerika no kubusanya mu kwibuka Jenoside yakorewe Abatutsi n’iyakorewe Abayahudi
U Rwanda - Perezida Kagame yijeje ko u Rwanda rwiteguye gutanga umusanzu ngo Afurika ikore inkingo za Covid-19
Amakuru - Icyo Raporo ya ‘Komisiyo ya Duclert’ yagaragaje ku nyito ya ‘Jenoside ebyiri’ yatangijwe na François Mitterrand
Amakuru - Prof Duclert yasobanuye impamvu babuze ubufatanyacyaha bw’u Bufaransa muri Jenoside yakorewe Abatutsi
Mu Mateka - Abanyamahanga bagerageje kurwana ku Batutsi n’uko bamwe Leta ya Habyarimana yagiye ibikiza
U Rwanda - Biciwe mu nsengero: Isomo amadini n’amatorero yigiye kuri Jenoside yakorewe Abatutsi

MacKenzie Scott wahoze ari umugore wa Jeff Bezos, agiye gushakana n’umwarimu

Yanditswe na Muhonzire Sylvine

Kuya 8 Werurwe 2021 saa 09:36

Yasuwe :

Yavuzweho:

0 0

Umuherwe MacKenzie Scott wahoze ari umugore w’umukire wa mbere ku Isi, Jeff Bezos, agiye gushakana na Dan Jewett, umwarimu wigisha amasomo ya siyansi mu ishuri ryisumbuye rya Lakeside School riherereye mu Mujyi wa Seattle muri Leta ya Washington.

MacKenzie uzwiho gukora ibikorwa by’ubugiraneza, yatandukanye na Jeff Bezos mu 2019 nyuma y’imyaka 25 bari bamaze babana. Byahise bimugira umwe mu bantu bakize ku Isi kuko yahise ahabwa kimwe cya kane cy’imigabane ya sosiyete ya Bezos yitwa Amazon, aho ubu afite umutungo ungana na miliyari 53$.

Ibyo kubana kwe na Dan Jewett byamenyekanye muri ‘Weekend’ bitangajwe na Dan ku rubuga rwa ‘The Giving Pledge’ afatanyije na Mackenzie, rushishikariza abantu bakize ku Isi gukora ibikorwa by’ubugiraneza.

Dan yagize ati “Ngiye gushyingiranwa n’umwe mu bantu nzi bafite umutima mwiza kandi ufasha, ngiye gufatanya nawe mu rugamba rwo gufasha abandi. Nizeye ko ubumenyi mfite buzaba kimwe mu bizamfasha gufatanya na MacKenzie tukagera kure.”

MacKenzie amaze gutanga miliyari z’amadolari mu bikorwa bitandukanye by’ubugiraneza, ndetse mu Ukuboza umwaka ushize yahaye miliyari enye z’amadolari imiryango 385 ikora ibikorwa bitandukanye.

Ku rubuga afitanye na Dan yanditseho gahunda afite yo gukora ibikorwa by’ubugiraneza itazigera ihagarara, ko azayikomeza kugeza igihe azaba adafite icyo atanga.