00:00:00 IGIHE NETWORK KN KINYARWANDA EN ENGLISH FR FRANCAIS

Loni yateguje inzara y’akarande izaturuka ku ntambara yo muri Ukraine

Yanditswe na IGIHE
Kuya 19 May 2022 saa 08:39
Yasuwe :

Umuryango w’Abibumbye watanze umuburo ko vuba cyane intambara y’u Burusiya na Ukraine izateza inzara ku Isi yose ishobora kuzamara imyaka myinshi.

Umunyamabanga Mukuru wa Loni, António Guterres, yavuze ko iyi ntambara yasubije irudubi ikibazo cy’inzara mu bihugu bikennye bitewe n’izamuka ry’ibiciro ku masoko.

Yakomeje avuga ko ibihugu bitandukanye bishobora kuzahura n’inzara y’akarande mu gihe gutumiza ibintu muri Ukraine bitasubira ku rwego byariho mbere y’intambara.

Kuva u Burusiya bwatangiza ibikorwa bya gisirikare muri Ukraine, ubucuruzi bwanyuraga ku byambu bya Ukraine bwarahagaze, hakaba haranyuzwaga ibiribwa byinshi birimo amavuta yo guteka, ibinyampeke n’ingano.

Ibi byatumye ibiciro by’ibicuruzwa bizamuka, aho ku Isi yose byazamutse hejuru ya 30% ugereranyije n’uko byari bihagaze umwaka ushize.

Guterres yavuze ko intambara ya Ukraine yivanze n’imihindagurikire y’ibihe n’icyorezo cya Covid-19, bikaba bizatuma miliyoni nyinshi z’abatuye Isi basonza, bikongera ikibazo cy’imirire mibi.

Yavuze ko hakwiye gushakwa igisubizo ku kibazo cy’ibiribwa byaturukaga muri Ukraine ndetse ifumbire yo mu Burusiya na Belarus na yo igasubira ku isoko.

Umunyamabanga Mukuru wa Loni, António Guterres, yavuze ko hakwiye gushakwa igisubizo ku bicuruzwa byaturukaga muri Ukraine

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .