00:00:00 IGIHE NETWORK KN KINYARWANDA EN ENGLISH FR FRANCAIS

Koreya y’Epfo yahinduye uburyo ibara imyaka, iya buri muturage iragabanuka

Yanditswe na Mukahirwa Diane
Kuya 9 Ukuboza 2022 saa 10:29
Yasuwe :

Koreya y’Epfo yemeje itegeko ryo guhagarika uburyo gakondo bari basanzwe babaramo imyaka y’amavuko bagakoresha ubusanzweho ku Isi, ibi byatumye hari abaturage bazagabanukaho umwaka umwe cyangwa ibiri.

Iki gihugu cyari gisanzwe gikoresha uburyo bwacyo bwo kubara imyaka buzwi nka ‘Korean age’, aho umuntu uvutse babara ko afite umwaka, ubwo umwaka watangira ku ya 1 Mutarama akaba yujuje undi.

Urugero nk’umwana wavutse ku wa 30 Ugushyingo 2022 ku wa 1 Mutarama 2023 yari kuzaba agize imyaka ibiri kuko umwaka mushya utangiye, kandi bari barabaze undi igihe yavukiyemo.

Urundi rugero niba umwana avutse ku itariki 31 Ukuboza yabaga afite umwaka umwe, kuwa 1 Mutarama hakiyongeraho uwa kabiri. Bivuze ko byashobokaga ko umwana umaze iminsi ibiri ku Isi aba afite imyaka ibiri.

Ubu buryo bwamaze guhindurwa ahubwo bazajya bakoresha ubumenyerewe ku Isi aho wuzuza umwaka itariki wavukiyeho igeze. Niba waravutse ku wa 8 Ugushyingo undi mwaka uzajyaho kuri iyo tariki na none.

Buzatangira gukuririkizwa muri Kamena inzego za Leta zatangaje ko zabushyizeho kugira ngo hirindwe ingaruka zishobora kuba zizanwa n’uko imyaka y’abaturage itabarwa nk’ahandi.

Urugero bavuze ni uko bitari byoroshye kugena abagomba gufata urukingo rwa Covid-19 bagendeye ku myaka OMS yatangaga.

Iri tegeko niritangira gushyirwa mu bikorwa ibyangombwa by’abaturage bizahinduka, bisobanuye ko hari abo hazavaho umwaka cyangwa ibiri bitewe n’igihe bavukiye.

Bamwe mu banya-Koreya bashobora gutakaza umwaka cyangwa ibiri ku yo bari bafite

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .