Koreya y’Epfo: Amashuri yongeye gufungwa kubera imibare y’abanduye Coronavirus irimo gutumbagira

Yanditswe na IGIHE
Kuya 29 Gicurasi 2020 saa 10:03
Yasuwe :
0 0

Guverinoma ya Koreya y’Epfo yafashe icyemezo cyo kongera gufunga amashuri hagamijwe gukumira ubwandu bwa Coronavirus bwongeye gutumbagira, nyuma y’iminsi iki gihugu gifatwa nk’icyabashije guhashya iki cyorezo cyugarije Isi.

Amashuri agera kuri 200 yo muri icyo gihugu niyo yahise afungwa ayoboka inzira zo kwigishiriza mu buryo bw’ikoranabuhanga, bidasabye ko abanyeshuri bava mu ngo.

Amashuri yagizweho ingaruka menshi ni ayo mu duce dukikije Umurwa Mukuru Seoul, nk’uko BBC yabitangaje. Amashuri yari yatangiye gufungurwa, nyuma y’iminsi abanyeshuri bigira mu ngo.

Kuri uyu wa Kane ubuyobozi bwa Koreya y’Epfo bwatangaje ko bahonetse abantu 79 bashya banduye Coronavirus mu masaha 24 yari ashize. Ni wo mubare munini wari ubonetse mu munsi umwe, mu mezi abiri ashize.

Kuva iki cyorezo cyagera muri Koreya y’Epfo, abantu bamaze kwandura Coronavirus barenga 11400, abapfuye ni 269.

Korea y'Epfo yongeye gufunga amashuri kubera Coronavirus

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .