00:00:00 IGIHE NETWORK KN KINYARWANDA EN ENGLISH FR FRANCAIS

Karim Khan yarahiriye kuba Umushinjacyaha Mukuru wa ICC

Yanditswe na Umwali Zhuri
Kuya 16 Kamena 2021 saa 01:49
Yasuwe :
0 0

Umunyamategeko ufite inkomoko mu Bwongereza, Karim Khan, yarahiriye inshingano z’Umushinjacyaha Mukuru w’Urukiko Mpuzamahanga Mpanabyaha rw’i La Haye mu Buholandi, kuri uyu wa Gatatu.

Uyu mugabo w’imyaka 51, agiye gusimbura Umunya-Gambie, Fatou Bensouda, ucyuye igihe nyuma y’imyaka icyenda kuri uyu mwanya.

Yavuze ko azubahiriza inshingano ze nk’Umushinjacyaha w’Urukiko Mpuzamahanga Mpanabyaha mu bwubahane, ubwizerane, ukutabogama no kuyoborwa n’umutimanama.

Mu bibazo by’uruhuri asanze byasizwe n’uwo asimbuye birimo amaperereza akomeye ku byaha byakorewe ku butaka bwa Palestine, Afghanistan, Myanmar na Philippines.

Karim Khan, ni impuguke mu by’amategeko mpuzamahanga mpanabyaha n’uburenganzira bwa muntu, watorewe kuba Umushinjacyaha Mukuru wa ICC muri Gashyantare.

Mu byo yakoze harimo gukurikirana ibyaha byakozwe n’Imitwe ya Islmic State muri Irak. Yunganiye visi Perezida wa Kenya, William Ruto mu rubanza yaregwagamo na ICC ku byaha byibasiye inyokomuntu, umuhungu wa Muammar Gadhafi wabaye Perzida wa Libye na Charles Taylor wahoze ari Perezida wa Liberia.

Karim Khan yarahiriye kuba Umushinjacyaha Mukuru w'Urukiko Mpuzamahanga Mpanabyaha rw'i La Haye mu Buholandi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .