Kajugujugu y’igisirikare cya Amerika yarashweho n’umuntu utaramenyekana

Yanditswe na IGIHE
Kuya 13 Kanama 2020 saa 10:02
Yasuwe :
0 0

Kajugujugu y’igisirikare cya Leta Zunze ubumwe za Amerika mu ishami rishinzwe kurwanira mu kirere (Air Force) yarashweho n’umuntu utaramenyakana, umwe mu bari bayitwaye arakomereka.

Iyo ndege yarasiwe muri Leta ya Virginia kuwa Mbere w’iki cyumweru tariki 10 Kanama 2020.

Iyo ndege yarashweho ubwo yagenderaga muri metero nka 300 uvuye ku butaka, mu birometero 16 uvuye ku kibuga cy’indege cya Manassas.

Itangazo ry’ishami rishinzwe kurwanira mu kirere mu ngabo za Amerika, rivuga ko umwe mu bari batwaye iyo ndege wakomeretse yajyanywe kwa muganga akavurwa agataha. Indege nayo yarangiritse nubwo bidakabije.

Urwego rushinzwe ubugenzacyaha muri Amerika (FBI) rwatangiye iperereza ku warashe kuri iyo ndege.

Iyo ndege yarashwe yabarizwaga mu birindiro bya gisirikare byitwa Joint Base Andrews ari nabyo bibarizwamo kajugujugu z’intambara n’indege itwara Perezida Air Force One.

Kajugujugu y’igisirikare cya Amerika yarashweho ariko uwabikoze aracyashakishwa

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .