Byagarutsweho n’Umuvugizi w’Igisirikare cya Israel, RAdm Daniel Hagari. Yagaragaje ko umutwe wa Hezbollah ufite gahunda yo kugaba ibitero ku baturage b’abanya-Israel ariko icyo gihugu kidashobora gukomeze kubyihanganira.

Ati “Mu rwego rwo kwirwanaho, dukuraho n’ibyo bitero byose, IDF iri gutegura ibitero kuri Liban aho umutwe wa Hezbollah uri gutegurira ibitero byawo ku baturage ba Israel.”

Daniel Hagari yagaragaje ko ibyo bikurikira ibisasu bya roketi birenga 6700 byatewe n’Umutwe wa Hezbollah muri Israel guhera ku wa 8 Ukwakira umwaka ushize.

Yagaragaje ko bitewe n’ubukana Israel ibona umutwe wa Hezbollah ushaka gukoresha mu kugaba igitero, ubuyobozi bwa Israel busaba abaturage ba Liban batuye aho uwo mutwe ukorera kuba bahunga mu gukiza amagara yabo.

Ati “Ku baturage ba Liban, bitewe n’ubukana iki gitero Hezbollah ishaka kugaba gifite, turabasaba ko abari mu bice uyu mutwe ukoreramo mwava mu ngo zanyu ku mpamvu z’umutekano wanyu.”

Yashimangiye ko iki gihugu kitazigera cyihanganira na gato ibitero bya Hezbollah ku baturage bacyo.

Izi mpande zombi zimaze iminsi mu ntambara iteruye, aho buri ruhande rurasa ku rundi gusa bigakorwa mu buryo bworoheje ku buryo bidashobora gutera intambara yeruye.

“In a self-defense act to remove these threats, the IDF is striking terror targets in Lebanon, from which Hezbollah was planning to launch their attacks on Israeli civilians.”

Listen to an update from IDF Spokesperson, RAdm. Daniel Hagari, regarding Hezbollah’s plans to attack… pic.twitter.com/fKvbUVSmbT

— Israel Defense Forces (@IDF) August 25, 2024