00:00:00 IGIHE NETWORK KN KINYARWANDA EN ENGLISH FR FRANCAIS

Israel yahishuye ko bane mu bashimuswe na Hamas bapfuye, iryumaho ku wabishe

Yanditswe na IGIHE
Kuya 4 June 2024 saa 10:12
Yasuwe :

Igisirikare cya Israel cyatangaje ko amakuru y’ubutasi gifite agaragaza ko hari abaturage b’iki gihugu bane bari mu bashimuswe n’umutwe wa Hamas, bapfuye.

Ku wa 7 Ukwakira mu 2023 ubwo Hamas yagabaga igitero muri Israel yishe abaturage 1200, abandi 251 irabashimuta.

Mu cyumweru cya mbere cy’Ugushyingo mu 2023 Hamas yemeye kurekura Abanya-Israel 105, ariko kugeza ubu hari abandi 120 bitaramenyekana irengero ryabo.

Mu makuru igisirikare cya Israel cyashyize hanze mu ntangiriro z’iki cyumweru, cyavuze ko muri izi mfungwa 120 harimo enye byamaze kumenyekana ko zapfuye.

Abapfuye ni Nadav Popplewell w’imyaka 51, Chaim Peri w’imyaka 79, Yoram Metzger w’imyaka 80, na Amiram Cooper w’imyaka 85.

Umuvugizi w’igisirikare cya Israel, Adm Daniel Hagari yavuze ko “isesengura twakoze twasanze aba bantu bane bariciwe hamwe mu gace ka Khan Younis, mu bitero byo kurwanya Hamas twahagabye.”

Adm Daniel nta yandi makuru yisumbuyeho yigeze atanga ku rupfu rw’aba bantu arimo ajyanye n’uwaba warabishe cyangwa ikindi, gusa hari hashize iminsi Hamas itangaje ko Nadav Popplewell yapfiriye mu bitero Israel yayigabyeho muri Mata mu 2024.

Aba bagabo uko ari bane bashimuswe na Hamas ku wa 7 Ukwakira mu 2023, nyuma yo kubasanga mu gace ka Kibbutzes hafi na Gaza Strip.

Chaim Peri na Nadav Popplewell bari barashimuswe na Hamas
Yoram Metzger na Amiram Cooper barapfuye

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .