Ishoramari mvamahanga ryagabanyutseho 42% mu 2020

Yanditswe na Akayezu Jean de Dieu
Kuya 25 Mutarama 2021 saa 11:57
Yasuwe :
0 0

Ishami ry’Umuryango w’Abibumbye ryita ku bucuruzi n’iterambere (UNCTAD), ryatangaje ko mu mwaka wa 2020, warangiye Ishoramari ryinjira mu bihugu rivuye mu mahanga, Foreign Direct Investments (FDI) rigabanyutseho 42% ugereranyije na 2019.

UNCTAD igaragaza ko bitewe n’icyorezo cya cya COVID-19, cyateje igabanyuka ry’ubukungu ku Isi yose aho ishoramari mvamahanga ryageze kuri miliyari $859 rivuye kuri miliyari $1500 ryariho mu 2019.

Imibare yatangajwe kuwa 24 Mutarama 2021, igaragaza ko igabanyuka ringana gutya ryaherukaga kubaho mu myaka ya 1990, aho ryari ryageze hejuru ya 30%.

N’ubwo hateganijwe ko ubukungu bw’Isi buzamuka mu 2021, UNCTAD iteganya ko urujya n’uruza rw’ubucuruzi hagati y’amahanga ruzakomeza kugenda biguru ntege kubera kutamenya neza ahazaza ha COVID-19.

Uyu muryango uteganya ko ishomarai mvamahanga mu mwaka wa 2021 riziyongera ku kigero kiri hagati ya 5-10%.

Umuyobozi w’ishami rishinzwe ishoramari rya UNCTAD, James Zhan yavuze ko “Ingaruka z’icyorezo cya COVID-19, ku ishoramari zizatinda."

Yakomeje agira ati “Abashoramari birashoboka ko bazakomeza kugira amakenga mu gushora imari mu mitungo n’ibikorwa bishya bitanga umusaruro mu mahanga.”

UNCTAD igaragaza ko igabanuka rya FDI ryibanze mu bihugu byateye imbere, aho habayeho igabanyuka rikomeye rya 69% ni ukuvuga agera kuri miliyari 229 z’amadolari.

Muri Amerika ishoramari riva mu mahanga ryagabanutseho 49% bigera kuri miliyari 134 z’amadolari. Igabanuka ryabaye mu bucuruzi, serivisi z’imari n’inganda.

UNCTAD iteganya ko izamuka rya FDI ku Isi mu 2021 ritazava mu ishoramari rishya mu mitungo itanga umusaruro ahubwo rizaturuka mu bucuruzi bwambukiranya imipaka by’umwihariko mu ikoranabuhanga n’ubuvuzi.

Ishoramari mvamahanga ryaragabanyutse mu 2020

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .