Iran: Umudepite wa kabiri yahitanywe na coronavirus

Yanditswe na Bukuru JC
Kuya 8 Werurwe 2020 saa 05:21
Yasuwe :
0 0

Umudepite wa kabiri muri Iran yahitanywe na Coronavirus kuri uyu wa Gatandatu, bituma ibihugu byinshi byo mu Burasirazuba bwo Hagati bifata ingamba zikomeye z’ubwirinzi.

Umudepite witwa Fatemeh Rahbar yapfuye nyuma y’iminsi atorewe guhagararira Umujyi wa Tehran mu Nteko Ishinga Amategeko ya Iran.

Guhera tariki 19 Gashyantare, Iran yibasiwe bikomeye na Coronavirus kugeza ubwo kuri uyu wa Gatandatu yari imaze guhitana abantu 145, mu gihe abayanduye bose hamwe basaga 5800, abayikize bakaba ari 1663.

Rahbar w’imyaka 55 yabaye umudepite wa kabiri wishwe na Coronavirus muri Iran. Ni umwe kandi mu banyapolitiki barindwi imaze guhitana guhera muri Gashyantare 2020.

Coronavirus yibasiye Iran yamaze no kugera mu bindi bihugu bituranye nayo nka Misiri, Leta Zunze Ubumwe z’Abarabu, Iraq, Liban na Palestine.

Ibyo bihugu n’ibindi bibarizwa mu Burasirazuba bwo Hagati byafashe ingamba zikomeye zitandukanye zigamije kugabanya ikwirakwizwa ry’iyo virusi.

Nka Koweït yahise ihagarika ingendo zose ziva cyangwa zijya mu bihugu birindwi mu gihe cy’icyumweru. Mu bihugu byahagaritswemo ingendo harimo Bangladesh, Philippines, u Buhinde, Sri Lanka, Syria, Liban na Misiri.

Fatemeh Rahbar yapfuye nyuma y’iminsi atorewe guhagararira Umujyi wa Tehran mu Nteko Ishinga Amategeko ya Iran

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza