00:00:00 IGIHE NETWORK KN KINYARWANDA EN ENGLISH FR FRANCAIS

Iperereza ryemeje ko Trump yashatse gukora “Coup d’état”

Yanditswe na Umwali Zhuri
Kuya 10 June 2022 saa 11:39
Yasuwe :

Iperereza ryakozwe na Komisiyo y’Inteko Ishinga Amategeko muri Amerika, ryatangaje ko uwahoze ayobora iki gihugu, Donald Trump, yagerageje guhirika ubutegetsi ubwo yashyigikiraga imyigaragambyo y’abamagana intsinzi ya Joe Biden.

Iryo perereza ryagaragaje ko Trump ari we wari uri inyuma y’ibi bikorwa by’imyigaragambyo, ndetse abagize inteko ya Amerika bavuze ko ibikorwa bye byabangamiye demokarasi y’iki gihugu.

Abayoboke ba Trump bashinjwe ko ku wa 6 Mutarama 2021 binjiye ku ngufu mu Nteko Ishinga Amategeko bashaka kuburizamo intsinzi ya Biden yari iri kwemezwa n’inteko.

Nyuma y’umwaka hakorwa iperereza, komite yari ishinzwe iperereza, yaraye itangaje ko ifite ibimenyetso n’ubuhamya bwemeza ko uwahoze ari Intumwa Nkuru ya Leta ya Amerika, Bill Barr, yamenyesheje Trump ko yatsinzwe, ko ibyo avuga ko yibwe bidafite ishingiro.

Barr yatangaje ati “Ntidushobora kuba mu Isi aho uri ku butegetsi abugumaho ashingiye ku bitekerezo bye bwite, adatanga ibimenyetso bihamya ko hari ubujura bwabayeho mu matora.”

Mu iperereza, hanumviswe ubuhamya bwa Ivanka Trump, umukobwa we. Trump we yanenze iby’iri perereza. Ku rundi ruhande afite gahunda yo kongera kwiyamamaza mu 2024.

Abayoboke ba Trump biroshye muri Capitol bamagana intsinzi ya Biden ku wa 6 Mutarama 2021

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .