00:00:00 IGIHE NETWORK KN KINYARWANDA EN ENGLISH FR FRANCAIS

Inyigo yagaragaje abapadiri 183 basambanyije abana muri diyosezi ya Münster mu Budage

Yanditswe na IGIHE
Kuya 14 June 2022 saa 10:56
Yasuwe :

Inyigo yakozwe n’abashakashatsi bo muri Kaminuza ya Münster, yagaragaje ko nibura abana 610 batarageza imyaka y’ubukure basambanyijwe n’abapadiri n’abandi bihayimana bo muri Diyosezi Gatolika ya Münster mu Burengerazuba bw’u Budage.

Uyu mubare ngo ushobora kuba wikubye inshuro 10 bitewe n’uko abenshi mu bakorewe aya mahano baryumyeho. Iyi nyigo yakozwe mu myaka ibiri, yakozwe bisabwe na Diyosezi ya Münster igamije kureba neza ikibazo cy’ihohoterwa rikorerwa ku gitsina muri iyi diyosezi hagati ya 1945-2020.

Mu myaka 75, hagaragaye abana 610 basambanyijwe n’abapadiri n’abandi bihayimana. Bitewe n’impamvu bwite cyangwa akato gashobora guhabwa uwavuze ko yakorewe aya mahano, bamwe bahisemo guceceka.

Abenshi mu basambanyijwe bari hagati y’imyaka 10 na 14. Inyigo yerekana ko nibura abari hagati ya 5000 na 6000 basambanyijwe muri diyosezi ya Münster gusa. Ababarirwa muri bitatu bya kane ni abahungu naho kimwe cya kane ni abakobwa.

Abakoze inyigo bavuga ko asambanyijwe bari bafitanye umubano wa hafi na kiliziya nko kuba abahereza cyangwa bari mu yandi matsinda. Nibura abapadiri n’abandi bihayimana 196 bo muri iyi diyosezi bagaragaye mu bikorwa byo gusambanya abana kuva mu 1945.

Aba barimo abapadiri 183, umudiyakoni n’abafurere 12. Abenshi mu babivugwagaho bahitaga bimurirwa ahandi bagakomeza imirimo yabo. Aha ubuyobozi bw’Abepiskopi bane bayoboye Diyosezi ya Münster bukaba bwaratsinzwe abo ni; Michale Keller, Joseph Höffner, Heinrich Tenhumberg na Reinhard Lettman.

Mu 2018, inyigo y’inama y’abepiskopi mu Budage yerekanye ko abihayimana 1600 muri iki gihugu basambanyije abana 3600 hagati ya 1946 na 2014.

Ikibazo cyo gusambanya abana muri Kiliziya Gatolika gikomeje kuvugwa cyane

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .